سياسة الخصوصية لتطبيق سلملي

آخر تحديث: 11 تشرين الثاني 2026

سلملي تطبيق خرائط وملاحة للعراق. هذه الصفحة تشرح شنو يحفظ التطبيق عنك، وليش، وشلون تحذفه.

بدون حساب

• التطبيق يشتغل كامل بدون تسجيل دخول.
• الخادم يحفظ بصمة مجهولة لجهازك حتى يعرف أي بلاغ إلك ويمنع التكرار. ما يحفظ معرّف الجهاز نفسه.
• البلاغات اللي تضيفها تنحفظ بمكانها ونوعها ووقتها، وتنحذف وحدها من تنتهي مدتها.
• البيت والدوام وسجل البحث تبقى على جهازك وما تنرسل للخادم.
• الخادم ما يحفظ مساراتك ولا موقعك ولا عنوان الشبكة مالتك.

إذا سجلت دخول بحساب Google

• نحفظ اسمك وإيميلك ومعرّف حسابك عند Google، حتى نعرفك من ترجع.
• نحفظ أماكنك (البيت، الدوام، آخر الأماكن) حتى تنتقل وياك بين أجهزتك.
• ما نشوف كلمة مرورك ولا نحفظها. الدخول يصير عند Google، وهي ترسل لنا تأكيد بس.
• ما نبيع بياناتك وما نشاركها ويا أي جهة للإعلانات.

خدمات خارجية

حتى تشتغل الخريطة والبحث والمسارات، التطبيق يرسل نص البحث ونقاط الرحلة لمزودي الخرائط (Mapbox وخدمات OpenStreetMap). هذي الجهات إلها سياسات خصوصية خاصة بيها.

حذف بياناتك

• من القائمة ☰ اختار «حذف حسابي». ينحذف اسمك وإيميلك وأماكنك من الخادم مباشرة ونهائيًا.
• «تسجيل خروج» ينهي الجلسة على هذا الجهاز بس، وحسابك يبقى.
• «مسح الأماكن المحفوظة والسجل» يمسح اللي محفوظ على الجهاز.

التواصل

لأي سؤال عن بياناتك، راسل صاحب التطبيق على العنوان المكتوب بصفحة التطبيق بالمتجر.